బన్నీ@


బన్నీ

"బన్నీ ! నీ రూమ్ ఒక పెద్ద మెస్ ! అడుగు పెట్టడానికి టెరర్ వచ్చేస్తోంది. ఎక్కడ మొదలెట్టి ఏ రూట్లో వెళ్ళాలో ఐ యామ్ అబ్సొల్యూట్లీ ఇన్ డార్క్. సర్దుదామంటే నా వల్ల కాలేదు. నువ్వు ఆడుకునేటప్పుడు తీసిన బొమ్మలు, పుస్తకాలు పనైపోగానే అక్కడే పెట్టెయ్యమని ఐ టోల్డ్ యూ ధౌజండ్స్ ఆఫ్ టైమ్స్ !"
పదేళ్ళ కొడుకు మీద ఫైరైపోతోంది వత్సల.

కోరగా తల్లి వైపు చూసి తను చేస్తున్న పని కంటిన్యూ చేశాడు బన్నీ అనబడే బంగారుబాబు.

"ఏం చేస్తున్నావు? ఇంకో కోతి పనేమీ కాదు కదా ?" అంటూనే "కెవ్వు" న కేక పెట్టింది వత్సల.

"ఓ మై గాడ్ ! అది డాడీ పాస్ పోర్టురా ! భగవంతుడా ! ఏమిటీ పరీక్ష నాకు ?" కళ్ళ నీళ్ళ పర్యంతమై గభాలున బన్నీ చేతిలో నుంచి భర్త గిరిధర్ పాస్ పోర్ట్, దానితో పాటు మార్కర్ పెన్ లాగేసుకుంది. ఒక్క క్షణం ఆలస్యమైతే గిరిధర్ ఫోటోకి మీసాలు వచ్చేసేవి.

"యూ మొరోన్ ! ఇంబెసిల్ ! ఆ ఫోటో పాడైతే డాడీ కంపెనీ వాళ్ళు పింక్ స్లిప్ కూడా ఇవ్వకుండా ఊస్ట్ చేసేస్తారు. ఇప్పటికే ఒకసారి నీళ్ళలో తడిస్తే చచ్చీచెడి ఆఫీస్ వాళ్ళు కొత్తది తెప్పించారు. డాడీకి ఫైన్ కింద ఐదొందల డాలర్లు ఒదిలిపోయాయి తెలుసా ? నీ కోతి పనులు, టాంట్రమ్స్ భరించడం నా వల్ల కాదు." కీచుగొంతు వచ్చేసిన తల్లిని చూసి బన్నీ కేర్ లెస్ గా. "నా పనులు నీకు నచ్చకపోతే మనిద్దరం ఒకచోట ఉండకూడదు" అన్నాడు.

"ఐతే పోరా ! ఎక్కడికి పోతావో! నిన్ను భరించడం నాకే కాదు. ట్రంపుకి కూడా చేతకాదు " అంది రోషంగా వత్సల.

ధనధన చప్పుడు చేసుకుంటూ చెక్క మెట్లు ఎక్కి తన రూమ్ కి వెళ్ళాడు బన్నీ.

గిరిధర్, వత్సల కాలిఫోర్నియా, సాన్ యోసె లో ఉంటారు. బన్నీ ఒక్కడే. బాగా ముద్దు చేయబట్టి అల్లరి ఎక్కువ చేస్తాడు.

తెలివైన పిల్లాడే కాని ఒక్కోసారి అనూహ్యమైన తిక్క పనులు చేస్తాడు. వత్సల చాలా ఓపికగా భరిస్తూ ఉంటుంది కాని ఆరోజు పనికి అరికాలి మంట నెత్తికెక్కింది.

పైన గదిలో గట్టిగా చప్పుళ్లు వినిపిస్తున్నాయి. కొంచెం ఉత్సుకతతో ఎదురు చూస్తూ అక్కడే పది నిమిషాలు నిలబడింది.

ఓ సూట్ కేసు లాక్కుంటూ మెట్లు దడదడలాడించుకుంటూ వచ్చాడు బన్నీ.

"ఏమిటా సూట్ కేసు ? ఎక్కడకి వెళ్దామని ?" అసహనంగా అరిచింది వత్సల.

"ఈ అమెరికాలో నా వయసు వాడిని ఒక్కణ్ణే రోడ్ కూడా దాటనివ్వరని నాకు తెలుసు."

"ఐతే ? ఆ సూట్ కేసు ఏంటట?" కొద్దిగా అయోమయంగా అడిగింది వత్సల.

"అది నీ సూట్ కేసు. నీ బట్టలు సర్దాను. నువ్వే ఫో ఇంట్లో నుంచి" బుంగమూతి పెట్టి తర్జని చూపించాడు బన్నీ.

ఒక్క నిముషం మాట రాక ఉండిపోయిన వత్సల ఫక్కున నవ్వేసి చుట్టేసి ముద్దులు పెట్టేస్తోంటే తల్లిని బల్లిలాగ కరుచుకుపోయాడు బన్నీ !

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

ఒక పౌర్ణమి కథ

ఒక పౌర్ణమి కథ ప్రసన్న ప్రవీణ్ రామ్ కి సాక్షాత్తు మేనత్త కూతురే, వరసైనదే. చిన్నతనం నుంచి సెలవులకి మేనత్త పుట్టింటికి వచ్చినపుడు కలిసి ఆడుకునే వారు.  యుక్తవయసు దగ్గర పడుతున్న కొద్దీ ఆకర్షణ కూడా ఎక్కువైంది. ఇంట్లో కూడా అన్యాపదేశంగా అనుకునే మాటలు చాటుగా విన్నవాళ్ళవడం వలన పెళ్ళి ఆలోచనలు ఇద్దరికీ కలుగుతూనే ఉన్నాయి. ప్రవీణ్ ని చూసినపుడు ప్రసన్న బుగ్గలు ఎర్రబడడము, పమిట సర్దుకోవడము, ప్రవీణ్ మనసుకి ఎంతో హాయిగా ఉండేది. ప్రవీణ్ తండ్రికి ఆమె అంటే ప్రత్యేకమైన ముద్దు తన తల్లి ప్రసన్న లక్ష్మి పేరు పెట్టారని.  తన కొడుకుకి తండ్రి పేరు రామారావు గారి పేరు చేర్చి ప్రవీణ్ రామ్ అని పేరు పెట్టుకున్నాడు.  ప్రసన్న తల్లి భారతికి కూడా మేనల్లుడంటే ప్రత్యేకమైన అభిమానం. అన్నగారు భాస్కర్ కి ముద్దుల చెల్లెలు. 'అన్నా ! నీ అనురాగం ఎన్నో జన్మల పుణ్యఫలం' అని సినిమా పాటలేం పాడలేదు కానీ అంత ప్రేమ భారతికి. ప్రసన్న తండ్రి పరమేశ్వర్ కి కూడా వారికి పెళ్ళి చేయడం గురించి అభ్యంతరం లేదు కానీ బయటపడే వాడు కాదు. అతని తత్వం అంతే ! మితభాషే కానీ కొంచెం కోపధారి. చివరికి రెండు వైపులా సరే అనుకుని తాంబూలాలు పుచ్చుకుందామని అనుకు...
మరింత చదవండి

అక్కరకొచ్చిన_అనుభవం

గ్రేస్ స్కూటీ పార్క్ చేసి చురుకుగా నడుస్తూ ఆ మల్టీ స్పెషాలిటీ హాస్పటల్ లో కోవిడ్ వార్డ్ ఏ‌ కి చేరుకుంది. నర్సెస్ రూమ్ లో తన లాకర్ తెరిచి చక చక తన వాచీ, మొబైల్, పర్స్ వంటివి పెట్టేసి తాళం వేసి ఆ పక్కనే సీల్ చేసి ఉన్న ప్యాక్ నుంచి డిస్పోజబుల్ ఫేస్ షీల్డ్ ధరించి వేరే నడవా లో ఉన్న వాష్ బేసిన్ దగ్గర పద్ధతి ప్రకారం చేతులు మోచేతులవరకూ సబ్బుతో ఐదు నిమిషాల పాటు కడుక్కుని ఆ పక్కనే ఉన్న హాట్ ఎయిర్ బ్లోయర్ లో తడి ఆరే దాకా ఉంచి అవతల వైపు ఉన్న స్టెరైల్ జోన్ అని ఉన్న గ్లాస్ డోర్ తీసుకుని వేరే రూమ్ లోకి వెళ్ళింది. అక్కడ సానిటైజర్ తో చేతులు రెండూ ఇంకొకసారి శుభ్రం చేసుకుని తను ధరించిన ఫేస్ షీల్డ్ వేరే బిన్ లో పడేసింది. అక్కడ ఉన్న పెద్ద స్టెయిన్ లెస్ స్టీల్ కంటెయినర్ మూతని తీసి పి పి ఈ కిట్ తీసి అంతే చురుకుతో వరుస ప్రకారం ముందు చేతులకి గ్లౌస్, పాదాల తొడుగులు వేసుకుని, మాస్క్ ధరించింది, ఆ తర్వాత కళ్ళకు గాగుల్స్ వేసుకుని ఆ పైన ఫుల్ గౌన్ ధరించింది. చివరగా వేరే జత గ్లౌస్ అంతకు ముందు వేసుకున్న గ్లౌస్ మీద తొడుగుకుని వార్డ్ లో ప్రవేశించింది. హాస్పిటల్ కి వచ్చాక యూనిట్ లో ప్రవేశించడానికి ఇరవై నిముషాలు పట్టింది....
మరింత చదవండి

నేనున్నా నీకు రక్షణ @

నేనున్నా నీకు రక్షణ  హమ్మయ్య ! అనుకుని కంప్యూటర్ లాగ్ ఆఫ్ చేసి పవర్ ఆఫ్ చేసి అలసటగా కుర్చీలో వెనక్కి జారగిలబడ్డాడు లక్ష్మీనారాయణ.  మూడు రోజులుగా ఓవర్సీస్ క్లయింటు తో హోరా హోరీ గా వీడియో కాల్స్ లో పోరాడి తమ కంపెనీ ఇచ్చిన ప్రోగ్రామ్ లో తప్పు లేదనీ, వాళ్ళవైపే ఎక్జిక్యూషన్ పొరపాటు జరిగిందనీ ఒప్పించేసరికి తాతలు దిగిచ్చినంత పనైంది. మూడు రోజులూ ఆఫీజులోనే ఫుడ్డూ బెడ్డూ. రోజుకి ఏ మధ్యాహ్నం పూటనో ఒక నాలుగు గంటలు కోడి కునుకు అంతే ! ఏమి చేస్తారు ? కంపెనీకి అతి ముఖ్యమైన క్లయింటు. కోట్ల రూపాయిల డీల్ ! పైగా తప్పు ఇటువైపు ఉన్నదని తేలితే పరువు పోవడం అటుంచి కంపెనీ పేరు పోవడం ఖాయం.  అందుకనే బాస్ స్వయంగా వచ్చి లక్ష్మీనారాయణని కౌగలించుకుని అభినందించాడు.  "సర్ ! రేపు ఆఫ్ తీసుకుంటాను సర్ ! మూడు రోజులైంది ఇంటి ముఖం చూసి " అన్నాడు బాస్ మూడ్ కనిపెట్టి.  "నో ప్రాబ్లమ్ మై బోయ్ ! రేపు, ఎల్లుండి కూడా ఆఫ్ తీసుకో ! యూ డిజర్వ్ రెస్ట్ !" అన్నాడు బాసు .  ******** "లక్ష్మీ ! బాగా అలిసిపోయి ఉన్నావు. ముందుగా బరిస్తా లో మంచి కాఫీ తాగుదాము. ఆ తర్వాత నన్ను ఇంట్లో దింపి వెళ్దువు గాని" అన్నది ...
మరింత చదవండి